Tasevski - Eternijan, Jovica oldala, Macedon életrajz
 |
Életrajz
Јовица Тасевски - Етернијан (25. 07. 1976, Скопје) е афирмиран македонски поет, книжевен критичар, есеист и преведувач. Дипломирал општа и компаративна книжевност на Филолошкиот факултет „Блаже Конески“ - Скопје. Работи во Националната и универзитетска библиотека „Св. Климент Охридски“ - Скопје. Уредник е на списанието за литература, култура и уметност „Стремеж“ - Прилеп и стручен советник е за македонска поезија во меѓународниот поетски проект „The Other Voices“ - антологија на светската поезија, која е вклучена во референтната листа на УНЕСКО.
Автор е на книгите: „Нешто се слуша“ (поезија; 1995 год.), „Визии. Глагол“ (поезија; 1997 год.), „Веда“ (поезија; 1998 год.), „Постојното, плимата“ (книжевни критики, есеи и студии; 2000 год.), „Клатно“ (поезија; 2001 год.), „Небесни стражи“ (поезија; 2004 год.), „Посоки и огледи“ (книжевни критики, есеи и студии; 2006 год.), „Синтакса на светлината“ (поетски избор, 2008 год.) и „Исход“ (поезија; 2012 год.).
Со Маја Апостолоска го имаат приредено изборот од современата македонска поезија со библиски, религиозни и апокрифни мотиви што излезе како тематски број (11/12. 2000 год.) на списанието „Стремеж“. Ја има составено и антологијата на младата македонска поезија „Неидентификувана небесна дојка“ (2001 год.). Врз основа на неговата поезија во Народниот театар „Јордан Хаџи Константинов - Џинот“ - Велес беше изведена претставата „Небесни стражи“ во режија на Весна Димитровска (2005 год.). Во книжевната периодика има објавено голем број поетски, критички и есеистички прилози. Неговата поезија е преведена на петнаесетина јазици и објавена е во списанија и антологии во над дваесет држави.
Го има добиено интернационалното признание „Восхитувачки поет“ што се доделува во Индија за исклучителен придонес во современата поезија.
Член е на Друштвото на писателите на Македонија, Британското поетско друштво и Светското поетско друштво.
(Az oldal szerkesztője: P. T.)
