Asdreni: Betimi mi flamur

Himni i Flamurit

Rreth flamurit të përbashkuar,

me një dëshir' e një qëllim,

të gjith' atij duk' ju betuar,

të lidhim besën për shpëtim.

Prej lufte veç ay largohet,

që është lindur tradhëtor,

kush është burrë nuk frikohet,

po vdes, po vdes si një dëshmor!

Në dorë armët do t'i mbajmë,

të mprojmë atdhenë më çdo kënt,

të drejtat tona ne s'i ndajmë;

Këtu armiqtë s'kanë vënt.

Se zoti vetë e tha me gojë

që kombe shuhen përmi dhé,

po Shqipëria do të rrojë;

Për të, për të luftojmë ne!

O flamur, flamur, shenj' e shenjtë,

te ty betonemi këtu,

për Shqipërin' atdhen' e shtrenjtë,

për nder' edhe lavdimn' e tu.

Trim, burrë quhet dhe nderohet,

atdheut kush iu bë theror;

Për jet' ay do të kujtohet

mi dhét, mi dhét si një shenjtor!